Smá upprifjun...

er semsagt á seríu 5, búin með 2 þætti....Carrie byrjaði aftur með Aiden, en hann hætti með henni þar sem hún vildi ekki giftast honum N'UNA.........halló, en mikið var hann mikið sætari sem kærasti í annað sinnið, stuttklipptur og með sixpack....mmmm..... Núna er ég að horfa á snilldarræmuna FOOTLOOSE. Þvílík klassík. Og "Carrie" leikur í henni! Hún er 22 ára gömul(myndin, ekki Carrie) og tískan í henni að sumu leiti er það sem er "inn" í dag! Er ekki einmitt talað um að tískan endurtaki sig á ca. 20 ára fresti?........ Get ekki beðið eftir lokaatriðinu! Snilldin við þessar gömlu klassísku unglingamyndir er endirinn. Dæmi, Grease, Dirty Dancing.......og örugglega fleiri, nenni ekki að hugsa;o)

Annað hvort....

er engin að lesa þetta blessaða blogg mitt, eða ég bara að skrifa svona uninterresting greinar sem engin kommentar á......þarf aðeins að velta þessu fyrir mér;o) Jæja en allavega þá er sería 3, 3 diskur í dvd spilaranum, Carrie búin að hætta með Big og byrja aftur með honum og svo hætta með honum, byrja með Aiden, halda fram hjá honum með Big, hætta með þeim báðum.....og já greyið Charlotte búin að giftast manni með lint typpi... Við skötuhjúin erum að horfa á þetta saman, jú semsagt er Dóri orðin Sex And The Sity væddur. Sem er dáldið skemmtilegt, þ.e.a.s að horfa á þessa mjög svo girly þætti með mjög svo miklum karmanni. Hann skilur ekkert í henni Carrie og hennar endalausa röfli, Big er allveg að meika sens fyrir honum....og já Aiden fer í hans fínustu, hann er allt og mússí mússí. Sem mér finnst reyndar dáldið líka svona þegar ég er að horfa á þættina í annað (stundum þriðja) sinn. Man að mér fannst hann meira æði síðast þegar ég horfði.... Og svo veltir maður því ósjálfrátt fyrir sér þegar maður horfir á þættina og lætur sig dreyma um fataskápin hennar Carrie, er það virkilega svona að vera einhleyp kona í NY city? Þórdís þú getur kannski commentað þá það!!? Þ.e.s.a ef þú ert en að lesa......... Bolludagurinn á morgun, fór útí bakarí, keypti 2 risa extra súkkulaði sætrjómabollur....og ein og hálf endaði í ruslinu.....alldrei lærir maður af reynslunni..... En er að spá í að elda saltkjöt og baunir á þriðjudaginn....mmmmmmmm...veit að það á ekki eftir að fara í ruslið;o) Og svo er það Öskudagurinn. Fór að velta því fyrir mér, hvað varð um öskupokana sem maður nældi í fók í gamla daga? Er þetta grín allveg dottið upp fyrir? Og nammisníkjandi krakkalakkar komnir í staðinn......já svona er þetta víst, við erum ekki litla ameríka fyrir ekki neitt.

Yessssss.....

fékk Sex And The Sity boxið í konudags/sambandsafmælisgjöf í dag! Vúúúúúúúhúúúúú! Þannig að næsta blogg verður líklega eftir laaaaangan tíma..........best að byrja að horfa. Læt þetta video fylgja fyrir þær/þá sem fengu fyrir hjartað við að horfa á hitt (og hlógu ekki;o) http://www.geimur.is/link.php?id=30648 GLEÐILEGAN KONUDAG!

Sorry, en mér finnst þetta ógeðslega fyndið...

http://www.youtube.com/p.swf?video_id=kKGxaol4qws

næl....

4 störf sem ég hef unnið við: Hitaveita RVK Hagkaup American Style (framleiddi þynkuborgara í massavís;o) Lindarborg 4 bíómyndir sem ég get horft á aftur og aftur og aftur... Shawshank Redemcion Stand by me Lord of the rings serían góða Braveheart 4 staðir sem ég hef búið á Dvergholt 16 Skál Vitastígur 9 Hlíðarvegur 54 4 sjónvarpsþættir sem ég elska.... Lost Desperat houswifes Nip Tuk (þvíííílík spenna..) Sex and the City (mí læk-í...) 4 staðir sem ég hef farið í frí til... Köben Spain Holland London baby 4 vefsíður sem ég skoða daglega.... MBL http://www.dagursolvi.is/ (flottustu guttar í heimi) Vísir og síður kátra krakka sem við þekkjum 4 uppáhaldsmáltíðir Humar (naaaaaammmmmmmminammmmmm) góð nautasteik heimabökuð pizza Hryggur með öllu (sósu líka;o) 4 staðir sem ég vildi vera á.... New York (is in my dreams) í góðu partýi með fullt af ótrúleg skemmtilegu og góðu fólki í rómantískri helgarferð með mínum heittelskaða í verslunarferð með griljónir í vasanum.... 4 sem ég næli í: Magga (sveitastúlka) Kolla (enþá meiri sveitastúlka) Hjördís (rétt fyrir utan borgarmörkin) Vigdís (í allt öðru landi)

besta mynd allra tíma...

Við hjónaleysin erum búin að taka dvd síðustu tvö sunnudagskvöld. (video-ið er víst out) Fyrri myndin var hin gríðarleiðinlega Wedding Crassers. Díses, veit ekki hvort ég eigi að eyða stöfum í að lýsa henni. Held ég sleppi því....í gær var það svo hjónabands-sprengjan Mr and Mrs Jones. 'UFF!!! Þvílik ræpa. Klassíkt dæmi um mynd þar sem er verið að reyna að ég veit ekki gera hvað....Greyið Jennifer Aniston að þurfa að hugsa til þess að ÞESSI mynd leiddi til skilnaðar. Held ég sé hætt að taka svokallaðar Block Buster myndir, og er við það að missa trúna á Hollywood. Fór nebblega í bíó í síðustu viku á Pride and Prejudice, ágætis ræma en það sem fór með hana var hræðilega ósexý leikari í aðalkarlhlutverkinu...púff. Leikarinn sem lék Mr.Collins (minnir að hann hafi heitið það) bjargaði samt myndinni, ótrúlega frábær karakter. Já, held allavega að það sé langt þangað til að besta mynd allra tíma verði velt af stalli í bráð...sem er hin frábæra, yndislega Shawshank Redemcion.....og þið sem eruð ekki búin að sjá hana skellið ykkur á videoleguna ekki seinna en í gær, hlaupið fram hjá nýja viðbjóðnum og takið hana, eitt stykke klassík........Hver er annars ykkar klassík? 'Ur þessu í alllllllt annað....við erum nokkrar mömmur sem erum í sambandi og eigum það sameiginlegt að hafa allar eignast fyrirbura. Síðast þegar við hittumst vorum við 6 mömmur með 8 börn. Spjalliað var um krílin og ástæður fyrirburafæðinga. 5 af okkur 6 höfðum fengið, hvað á ég að segja "enn ein kellingin með móðursýki á meðgöngu" stimpilinn sem var til þess (kannski) að þessi börn litu dagsins ljós of snemma. Sem mér finnst dáldið áhugavert. Það hlýtur að vera ódýrara fyrir kerfið (sem er alltaf að reyna að spara) að hlusta á innsæi konu og hlusta og bregðast við, heldur en að þurfa aðvera með lítil veikburða börn á vökudeild í vikur og mánuði. Og svo vil ég líka nota tækifærið og koma því á framfæri að kona sem hefur farið í keiluskurð, vegna frumubreytinga í legi, er í aukinni áhættu að eignast fyrirbura. Þessar upplýsingar fær kona sem fer í slíka aðgerð ekki og er ekki undir auknu eftirliti, jebb svona er þetta skrítið kerfi. Frekar er lagt á konugreyið að missa jafnvel fóstur á miðri meðgöngu og þá er möguleiki að það verði fylgs betur með NÆST. Svo elsku þið sem lesið þetta, látið þetta endilega berast. Shi$%&$%& Lost er byrjað....gara gó Kveðja Ösp

Auglýsi eftir....

einhverjum að koma með mér til NEW YORK þann 10-13 febrúar, kostar aðeins 52,000 með hóteli...... Einhver....... anybody............. Ha.....ll..........ó.............. oooooo....mig langar svoooooooooooo............................. eða í bíó, það er líka gaman

Stelpukvöldið góða

fjör að eilífu....

hotshot....mmmmmmm
HAHAHAHAHA.....
Grrrrrrrrr........
það vantaði sko ekki fjörið!

nokkrar góðar...

'Eg les ekki oft ruslpóst...

en þessi er nokkuð góður....(fyrir okkur gamla fólkið;o) Sjúkket maður, ég er orðin 30 ára. Fólk eldra en 30 ætti að vera dáið! (eða vorum við bara heppin?) Ég var að spjalla um daginn við vin minn um þá "gömlu góðu daga" og við komumst að því að fólk sem er eldra en 30 ára ætti í raun að vera dáið. Já, samkvæmt löggjöfum og skriffinnum nútímans ættu þau okkar sem voru börn á 5., 6., 7. og fyrrihluta 8. áratuga síðustu aldar ekki að hafa lifað af. HVERS VEGNA VAR ÞESSI NIÐURSTAÐA OKKAR SVONA? - Jú, barnarúmin okkar voru máluð með blýmálningu. - Það var engin barnalæsing á lyfjaglösum, hurðum eða skápum og þegar við hjóluðum notaði ekkert okkar hjálm. - Sem börn sátum við í bílum án öryggisbeltis >og/eða púða. Að fá far á vörubílspalli eða "teika" var sérlega gaman. - Við borðuðum brauð með smjöri, drukkum gos með sykri, en fæst okkar voru of feit, því við vorum alltaf úti að leika, við deildum gjarnan gosflösku með öðrum og allir drukku úr sömu flöskunni án þess að nokkur létist. -Við vörðum löngum stundum í að byggja kassabíl úr dóti og drasli og þutum á honum niður brekkuna, bara til að uppgötva að við höfðum gleymt bremsunum. Eftir nokkrar veltur lærðum við að leysa vandamálið. -Við forum að heiman snemma á morgnanna til að leika okkur allan daginn og komum aftur heim í kvöldmat Enginn hafði möguleika á því að ná í okkur yfir daginn. -Engir farsímar. Ha, engir farsímar? Óhugsandi! Sumir áttu litlar talstöðvar sem var flott að eiga! -Við áttum ekki Playstation, Nintento 64, X-box, enga tölvuleiki, ekki fjölmargar rásir í sjónvarpinu, ekki video, ekki gervihnattasjónvarp, ekki heimabíó, farsíma, heimilistölvu eða spjallrásir á Internetinu. -Við eignuðumst vini! Við fórum bara út og fundum þá. -Við duttum í skurði, skárum okkur, fótbrotnuðum, brutum tennur, en enginn var kærður fyrir þessi óhöpp. Þetta voru jú óhöpp. Það var ekki hægt að kenna neinum um nema okkur sjálfum. Manstu eftir óhappi? -Við slógumst, urðum blá og marin og lærðum að komast yfir það. -Við lékum okkur í nýbyggingum, fundum upp leiki með naglaspýtum og drasli og átum Maðka og reyktum njóla. Þrátt fyrir aðvaranir voru það ekki mörg augu sem duttu út og ekki lifðu maðkarnir inni í okkur til eilífðar og margir gáfust upp á fyrsta njólanum! -Við hjóluðum eða gengum hvert til annars, bönkuðum á dyrnar, gengum inn og létum eins og heima hjá okkur. -Við lékum okkur úti eftir kvöldmat, fórum í fallin spýta, eina krónu, eltingaleik eða feluleik, svo ekki sé minnst á löggu og bófa. Svo þegar aldurinn sagði til sín fórum við í kossaleik og eignuðumst kærustu/kærasta. -Það þurfti engar félagsmiðstöðvar eða neina til að stjórna okkur - Við stjórnuðum okkur sjálf. -Sumir nemendur voru ekki eins glúrnir og aðrir, þeir lentu í tossabekk. Hræðilegt.... En þeir lifðu af. -Engin vissi hvað Rídalín var og engin bruddi pillur sem barn. -Það var farið í þrjúbíó á sunnudögum með popp með sér og kakó á Lybbís-flösku, og Andrés Önd var á dönsku, sem hefur hjálpað mörgum námsmanninum í að fóta sig í norðurlandamálunum seinna meir. -Við fórum í sunnudagsskóla eða sóttum KFUM og K, sungum og vorum í Skátunum og lærðum hnúta og kurteisi.! -Ef það sprakk á hjólinu lagfærðum við það í sameiningu og alveg sjálf. -Morgunkornið okkar var m.a. TRIX morgunkorn, og við lifðum af litarefnið í því... OG AFLEIÐINGIN ER ÞESSI! Síðustu 50 ár hafa verið sprengja nýsköpunar og nýrra hugmynda. Við áttum frelsi, sigra ósigra og ábyrgð og við lærðum að takast á við það allt saman. Við sem ólumst upp áður en löggjafi og stjórnvöld settu lög og reglur um líf okkar sem þeir segja að sé okkur sjálfum fyrir bestu?. Þessi kynslóð hefur alið af sér fólk sem er tilbúið að taka áhættu, er lunkið að leysa vandamál og bestu fjárfestar nokkru sinni. Við áttum bara gott líf er það ekki?

Besta súkkulaðikaka í heimi og...

skemmtilegt jamm. Byrjum á kökunni:200 gr súðusúkkulaði 200 gr smjör/smjörvi 400 gr sykur 4 egg 100 gr hnetur eða möndlur eða bland (saxaðar) 100 gr hveiti Súkkulaði og smjör brætt saman í potti, á meðan það er að kólna er eggjum og sykri þeytt vel saman. Svo er súkkulaðinu bætt út í með sleif, einnig möndlunum og hveitinu, hellt í form, bakað við 180 gr í óákveðin tíma, gott að hafa álpappír yfir forminu og byrja að fylgast með eftir ca 40 mín, ég hafði mína inni í ofni í rúman kltíma........svo er hægt að sáldra smá flórsykri yfir hana þegar hún er komin á kökudisk, ótrúlega góð volg, með rjóma og ískaldri mjólk.....namm, namm..... ...og jamm var það! Svaka stuð sem endaði seint og um síðir. Mikið hlegið og mikið tekið af myndum hjá Lísu skvís, enda pæjuhópur dauðans á ferð....eða kannski nokkrir ellismellir að mynda síðustu góðárin sem sífellt verða færri.....h hmmmm;o) Svo var haldið niður í bæ í slyddu og roki (en ekki hvað) og endað inná Vegamótum þar sem við tók dunandi dans. Verð að viðurkenna það að ég fer greynilega sjaldan á jammið þar sem ég var í bandi við Geira Slææ (litla bró) og hann smsaði er á Hverfis...og ég svaraði: ég líka! Ekki allveg með nöfnin á blessuðum hnakkastöðunum á hreinu, en hvað um það eftir dansinn mikla dró ég stúlkukindurnar á Hverfisbarin í von um að sjá Fasmó berja e-n frægan og hitta litla bró. Strípur, brúnkukrem og blásið hár er allveg málið á þessum frábæra stað og já nokkrir Herra gaggóar allveg að gera sig þarna. Stuð að eilífu! Jeah. Svo var klukkan allt í einu orðin allt of margt og tími til að haska sér heim í blindbil og kulda. Já það sem ekki er lagt á sig í henni sódómu Reykjavík. Fengum leigara upp við Hallgrímskirkju eftir að hafa skakklappast upp skólavörðustíg (já glæsileikinn eitthvað að víkja fyrir þreyttum fótum, vindblásnu hári og grílukert á nefi.) Skreið upp í rúm allt of seint, hugsaði með mér: hvers vegna drakk ég svona mikið, sofnaði og vaknaði allt og snemma....úff, en mikið hlakkar mig til næst......og þangað til, takk fyrir kvöldið girls;o)

já það var þá ástæðan...

Jú jú hún Angelína er víst ólétt eftir Pittaran og þá skilur maður aðein betur þetta ætleiðingarvesen á þeim. En ST'ORA spurningin er náttúrulega hvort krakkinn veri þá fallegast krakki í heimi? Eða gera tveir plúsar kannski bara mínus?? Hmmmm..... Skemmtilegur þessi leikur sem ég skellti hérna inn, margt nýtt, sem eldra efni rifjað upp á harða disknum, skellið endilega nafninu ykkar í comments ef þið eigið það eftir..... Það er nú ansi lítið sem þarf til að gleðja gamla konu (jú mig) á laugardaginn er ég að fara út úr húsi, skilja kallana mína alla eftir og hitta skemmtilegar stúlkur, í okkar fínasta, ef ég þekki okkur rétt, smá rautt bubblý, og kannski eitthvað sterkara;o) og svo ef guð og veður leyfir eitthvað út á lífið......íhaaaaaa.... Annars er ég eitthvað andlaus í þessum skrifuðum orðum, þetta gerist kannski þegar maður hangir inni í snjó og kulda með engan bíl í innkeyrslunni til að brjóta upp hversdagsleikan sem þessa dagana samanstendur af leikskólalögum sungnum af mér, frekar falskt fyrir yngstu kallana mína.......sem betur fer vita þeir ekki hvað falskt er og horfa hugfangnir á mig á meðan.....

búin að koma mér í vandræði....

en hvað um það verð víst að skella þessum leik inn...... Commentaðu nafni þínu í athugasemdir og... 1. 'Eg segi þér e-ð handahófskennt um þig 2. 'Eg segi þér e-ð handahófskennt um mig 3. 'Eg segi þér e-ð sem meikar bara sens fyrir mig og þig 4. 'Eg segi þér fyrstu ljósu minninguna mína af þér 5. 'Eg segi þér hvaða dýr ú minnir mig á 6. 'Eg segi þér hvaða litur þú ert 7. 'Eg spyr þig að einhverju sem ég hef lengi velt fyrir mér um þig koma svo........

þá árið er liðið...

...í aldana skaut, og það alldeilis ár! Bætti ekki einu heldur tveimur börnum í heiminn. Tel það til afreka minna! Gerði dauða leit að rauðum spariskóm, og ætla að gera það að mínu mission-i að finna þá á árinu sem var að ganga í garð:o) Hef ákveðið að reyna ekki við að eiga íslending nr 300.000, tel 3 börn vera nóg.......í bili;o) Kannski að Bjössi og Hanna komist nærri því markmiði, eða jafnvel eignist íslending nr. 300.000. Dáldið spennó. Stelpur mínar (hittingsstelpurnar góðu!) Þar sem var svo agalega gaman hjá okkur þann 29. des (eins og alltaf) þá sting ég upp á að í 4 -5 laugardagshittingi þá færum við hann á kvölddagskrá, hittumst, punntum okkur, klæðum okkur í okkar fínasta (eða bara e-ð fínt) og fáum okkur hvítvín, eða/og eldum kannski saman.....hvað segiði um það, veit að það eru nokkrir nokkuð góðir kokkar í hópnum..... Verð semsagt 30 og eitthvað á þessu ári. Það er e-ð við það að verða 30. Allavega hjá öllum sem ég þekki, það líta allir svo vel út og aldurinn (sem er nú ekki beint hár, enn...) fer fólki vel. Þannig að þetta er bara spennandi. Var að lesa á blogginu hennar Helgu um nágranna-karmað, úff ekki mjög spennandi. Einu sinni lennti ég í svona leiðinlegri lífsreynslu þá á Vitastígnum. Var semsagt ein heima, með Dag lítinn. Byrjar e-r að hamast á hurðinni niðri sem var alls ekki mjög traust. Sem betur fer var nágranni minn og rómantíker hann Bragi Guðmunds (á Bylgjunni!) heima og stoppaði þessa rugluðu og blindfullu konu sem var allveg viss um að hún ætti íbúðina okkar. Veit ekki hvað ég hefði gert ef hún hefði komist í íbúðina "sína". hehe, hægt að hlæja smá að þessu núna en mér var sko alls ekki skemmt þegar hún var niðri í stigagangi.... En elsku þið fáu hræður sem lesa þetta blaður mitt, gleðilegt nýtt ár og megi það nýja vera ykkur gott og gæfuríkt. Takk fyrir gamlar og góðar stundir, kveðja Ösp